Ruth Ásdísardóttir

21.3.2008 | 21:55

Sund í Borganesi

í dag var æðislegt veður hreint út sagt. ég og Árni ætluðum að vera bara löt heima, en það var ekki sjéns í þessu veðri. Það var hreinlega ekki hægt.
Þannig að við pökkuðum sunddótinu okkar ofan í tösku og brunuðum til Borgarnes í blíðskaparveðri. Sundlaugin var opin og allar bensínstöðvar og kaffihús. Við röltum líka aðeins um þorpið og létum okkur dreyma um að eiga æðislegt sumarhús sem vísaði út á hafið og fjöllin.
Sundlaugin var æðisleg. Ég hef aldrei farið í sund í Borgarnesi og get hiklaust mælt með því. Enda, kannski ekki hægt annað en að elska lífið þegar maður syndir í tæru vatni með sólina í andlitinu og elskuna sína sér við hlið! hvað er betra? :)
Við fengum okkur síðan að borða áður en við keyrðum heim á leið. Við fórum Hvalfjörðinn og ég var minnt á hversu ótrúlega fallegur fjörðurinn er. Ekki er náttúrulega verra að keyra hann í sól og horfa á spegilsléttan hafflötinn.
Allavega, dagurinn var yndislegur hreint út sagt. Við Árni ætlum örugglega að gera meira af þessu í sumar. henda sunddótinu aftur í og bruna eitthvað út úr bænum og finna friðsæla og yndislega staði.
Gleðilega páska allir! :)

Flokkur: Bloggar | Facebook

Athugasemdir

Flott hjá ykkur, fór í sundlaugina í Borgarnesi í fyrsta skiptið í sumar og get samsinnt því að þetta er flott laug.

Ég get nú ekki lokkað þig til Grindavíkur með flottri sundlaug ( það er nefnilega ljótt að skrökva ) en hér er alltaf til kaffi ef þú skyldir aftur villast hér í bæ Gleðilega páska.